Aqtóbe turǵyny oq tıip jaralanyp, aýrýhanaǵa tústi
AQTÓBE. QazAqparat - Aqtóbe turǵyny oq jaraqatymen aýrýhanaǵa tústi. Bul oqıǵaǵa baılanysty qylmystyq is qozǵaldy, dep habarlaıdy QazAqparat tilshisi.
Aqtóbede oq atylyp, 31 qańtar kúni tańda jaralanǵan er adam aýrýhanaǵa jetkizildi. Oblystyq polıtsııa departamenti baspasóz qyzmetiniń habarlaýynsha, Qylmystyq kodekstiń «Buzaqylyq» baby boıynsha is qozǵalǵan. Kúdikti ustalyp, ýaqytsha tergeý ızolıatoryna qamaldy.
«31 qańtar kúni saǵat 07:00-de jedel járdem aýrýhanasynyń travmatologııa bólimine aqtóbelik turǵyn jetkizildi. Túsken kezde jaǵdaıy ortasha aýyr boldy. Jedel ota jasalyp, oń jaq qolyna hırýrgııalyq tazalaý otasy jasaldy. Oq jaraqatynyń orny tańyldy. Aýrýyn basatyn dári berildi. Qazir naýqastyń jaǵdaıy turaqty», - dep habarlady oblystyq densaýlyq saqtaý basqarmasynyń baspasóz qyzmeti.
