Aqtóbe turǵyny malyn baqqyzý úshin Ózbekstan azamatyn quldyqta ustaǵan

NUR-SULTAN. QazAqparat – Qostanaı jáne Aqtóbe oblysynda májbúrli túrde mal baǵyp, quldyqta kún keshken eki azamat qutqaryldy, dep habarlaıdy QazAqparat tilshisi.

«Qostanaı oblysynda májbúrli eńbekke tartý faktisi tirkeldi. Sharýa qojalyǵy bar adam eki jarym jyl boıy oblystyń 21 jastaǵy turǵynyn májbúrli túrde jumys istetip kelgen. Jas jigitke qoı, sıyr men jylqy baqtyrǵan», - dedi baspasóz máslıhatynda ІІM baspasóz qyzmetiniń qyzmetkeri Kámil Ǵalıev.

Bul iske qatysty Qylmystyq kodekstiń 126-baby 3-bóligi 2-tarmaǵy boıynsha (zańsyz bas bostandyǵynan aıyrylǵan adamdy qanaý) sotqa deıingi tergeý amaldary bastaldy. Al zardap shekken jigit daǵdarys ortalyǵyna jetkizilgen. Oǵan qajetti kómek kórsetilip jatyr.

«Aqtóbe oblysynda da osyǵan uqsas qylmys boıynsha polıtsııaǵa sharýa qojalyq ıesi jetkizildi. Ol Ózbekstannan kelgen 58 jastaǵy azamattyń qujatyn tartyp alyp, kúsh kórsetip, bir jyl boıy májbúrli túrde eńbekke jegip kelgen. Zardap shekken azamat qoı baǵyp, saraıda ómir keshken. Qazir bul iske qatysty Qylmystyq kodekstiń 128-baby boıynsha (Adam saýdasy) sotqa deıingi tergeý amaldary bastaldy», - deıdi ol.