Aqtóbe turǵyny Qostanaıdaǵy anasymen kezdesý úshin kólik urlap ketken
QOSTANAI. QazAqparat - Polıtseıler Aqtóbedegi úı aýlalarynyń birinen kólik urlap, Qostanaıǵa kelgen azamatty qolǵa túsirdi, dep habarlaıdy QazAqparat Qostanaı oblysynyń ІІD baspasóz qyzmetine silteme jasap.
Polıtseıler Baǵdat Qaıralap pen Rınat Muhamedjanov Aqtóbedegi úı aýlalarynyń birinen «Nıssan» markaly kóliktiń qoldy bolǵany týraly habar alady. Іz kesý sharalary kezinde urlanǵan kólik Qostanaı oblysynyń Denısov aýdanynan tabyldy.
«Tártip saqshylary kólikti Pereleskı aýylyndaǵy jer úılerdiń birinen tapty. Olar ІІD kezekshi bólimine bolǵan jaıdy aıtyp, kúdiktiniń aýlaǵa shyǵýyn kútedi. Kóp ýaqyt ótpeı, polıtseıler kólik urlaǵan azamatty qolǵa túsirdi. Ol 28 jastaǵy Aqtóbe qalasynyń turǵyny bolyp shyqty», - dep habarlady ІІD baspasóz qyzmetindegiler.
Keıin anyqtalǵandaı, kúdikti bir jyl boıy kórmegen anasyna kelý úshin kólik urlap ketkenin aıtty.
Qazirgi ýaqytta Denısov aýdandyq ishki ister bólimi tergeý jumystaryn júrgizýde.
