Aqtóbe turǵyny esirtki satqany úshin ustaldy

AQTÓBE. QazAqparat - Qarjylyq monıtorıng agenttigi Aqtóbe oblysy boıynsha departamenti oblystyq prokýratýramen birlesip Esirtki jáne psıhotroptyq zattardy asa iri kólemde saqtaý jáne ótkizý faktileri boıynsha sotqa deıingi tergep-tekserýdi júrgizip jatyr, dep habarlaıdy QazAqparat.

Qarjylyq barlaýdyń taldamalyq materıaldary negizinde júrgizilgen jedel-izdestirý is-sharalarynyń nátıjesinde esirtkiniń túrlerin, onyń ishinde sıntetıkalyq esirtkilerdi asa iri kólemde satýmen aınalysqan Aqtóbe qalasynyń turǵyny anyqtaldy.

Jedel-izdestirý is-sharalary nátıjesinde ol qylmys ústinde ustalyp, onyń turǵylyqty jerinde tintý jumystary júrgizilip, odan «Alfa-PVP» sıntetıkalyq esirtki zaty; kokaın jáne kannobınoıdty toptyń esirtki zattary tabylyp, tárkilendi.

Atalǵan azamat ustalyp, ýaqytsha ustaý ızolıatoryna qamaldy.

Tergeý jalǵasyp jatyr. Tergeý múddesindegi basqa aqparat jarııa etilmeıdi.