Aqtóbe turǵyny BTR tehnıkasyn satpaq boldy

AQTÓBE. QazAqparat – Aqtóbe polıtsııasy BTR tehnıkasyn satpaq bolǵan adamdy anyqtady. Qazirgi kezde tergeý júrip jatyr, dep habarlaıdy QazAqparat tilshisi.

«Aqtóbe oblystyq polıtsııa departamenti ekstremızmge qarsy is-qımyl basqarmasynyń qyzmetkerleri Órleý aýylyndaǵy karerdiń aýmaǵynda qandaı da bir belgileri men qujattary joq «BTR-60» tehnıkasyn tapty. Tehnıkanyń karer ınjenerine tıesili ekendigi anyqtaldy. Er adam ony shamamen 2000 jyldary belgisiz bireýden satyp alǵanyn jáne qajet bolmaǵan soń qaıta satpaq bolǵanyn aıtty. Naqtylasam, bul - atýǵa arnalǵan áskerı tehnıka emes, jaı qańqasy ǵana. Reseıden alǵan», - dep habarlady oblystyq PD baspasóz qyzmetiniń jetekshisi Erbolat Sarqulov.

Qazir Qylmystyq kodekstiń 386-baby 1-bóligi boıynsha is qozǵalyp, tirkeldi.

«BTR» Aqtóbe qalasyndaǵy kommýnaldyq avtoturaqqa qoıyldy.

Aıta keteıik, buǵan deıin de Aqtóbede bir áskerı tehnıka tabyldy. Onda ıesi tehnıkany metall qabyldaý ornyna ótkizbek boldy.