Aqtóbe turǵyny bir otbasyny órtten aman alyp qaldy
AQTÓBE. QazAqparat - Aqtóbeniń Temir aýdanynyń ortalyǵynda úı órtenip, kórshisi 7 adamdy qutqaryp qaldy, dep habarlaıdy QazAqparat tilshisi.
Oqıǵa búgin tańǵy saǵat 4:30 shamasynda boldy. Sol kezde dalaǵa shyqqan Mereı Súıenishuly kórshisiniń úıinen tútin shyqqanyn kórgen. Keıin úıdiń bir bólmesiniń terezesin syndyryp, úıdegilerdi dalaǵa shyǵardy.
«Úıdegi tórt eresek jáne úsh balany aman-esen alyp shyqtyq. Aýlasy jabyq eken. Sekirip, terezesin syndyrýǵa týra keldi. Órt sóndirýshiler de keldi. Bul kim bolsa da atqarar is dep bilemin, bul - bizdiń boryshymyz», - deıdi Medet Súıenishuly.
Aıta keteıik, Ramazan aıynyń sońǵy kúni aýyl túgel jumylyp, úıde tazartý jumystaryn júrgizip jatyr. Olar quralys jumysyna kómektesýge kiristi.
«Kórshilerimniń arqasynda aman qaldym. Barlyǵyna raqmet aıtamyn. Qazirgi kúnniń batyry ol. Órt sóndirýshiler de tez jetti», - deıdi keıýana Gúlsim Ótebaeva.
Aıta keteıik, aýdan ákimi Joldas Batyrhan úıi órtenip ketken otbasyna baryp, qoldaý kórsetti.
