«Aqtóbe» «Tobyldan» 1 upaı qalyp keledi - Qazaqstan premer-lıgasy
ALMATY. Qazannyń 23-i. QazAqparat /Erbol Turymbetov/ - Keshe fýtboldan Qazaqstan premer-lıgasynyń 29-ynshy týr oıyndary támamdaldy. Sońǵy oıynda 3 upaı enshilegen «Aqtóbe» «Tobyldan» nebári 1 upaı qalyp keledi.
«Tobyl» óz alańynda «Aqtóbeni» qabyldady. Elimizdiń jetekshi qos komandasynyń tartysty oıynynda qonaqtar alań ıelerin 2:5 esebimen oısyrata utty. Goldar: Haırýllın 21 (0:1), Perıch 22 (0:2), Darabaev 43 (0:3), Haırýllın 55 (0:4), Jumasqalıev 59 (1:4), Perıch 69 (1:5), Baqaev 88 (2:5). Osydan birneshe týr buryn aralyǵy 10 upaıǵa deıin uzarǵan qos komandany endi bar-joǵy 1-aq upaı bólip tur. Týrnır kestesinde úzdik úshtikke enýge talpynyp júrgen elordalyq «Lokomotıv» óz alańynda «Shahtermen» upaı bólisti. Esep: 1:1. Gol ıeleri: Býgaev 2 (1:0), Djıdıch 24 (1:1). Qalǵan oıyndarda «Atyraý» «Ertiske» ese jiberip (1:2), «Jetisý» «Qaıratty» 2:0 esebimen jeńdi. «Aqjaıyq» óz jerinde «Tarazdan» kem tússe (1:2), «Oqjetpes» «Ordabasyny» 3:1 esebimen tize búktirdi.
Sonymen, jalpy kestede top basyndaǵy «Tobylda» 55 upaı bolsa, onan keıingi «Aqtóbede» 54 upaı. «Ertis» 50 upaımen úzdik úshtikti qorytyndylap tur. Qalǵan 4-5-6-nshy oryndardaǵy astanalyq «Lokomotıv» qorjynynda 47, «Atyraýda» - 44, «Shahterde» - 41 upaı.
Týrnırdiń 7-12-shi oryndar bóligin ázirge «Jetisý» 45 upaımen turaqty bastap tur. Onyń izin basyp kele jatqan «Ordabasyda» - 41, al 9-shy orynda «Taraz» - 35 upaımen senimdi tur. Sońǵy oryndardaǵy «Qaıratta» - 24, «Okjetpeste» - 22 jáne «Aqjaıyqta» - 20 upaı.
29-shy týrdan keıingi surmergender: «Tobyl» shabýylshysy Ulyqbek Baqaevta 15, Nurbol Jumasqalıevte 13 jáne «Ertis» shabýylshysy Georgıı Daskalov enshisinde 13 dop bar.
Endigi 30-shy týrda «Shahter» - «Tobyldy», «Lokomotıv» - «Atyraýdy», «Ordabasy» - «Qaıratty», «Taraz» - «Jetisýdy» jáne «Aqjaıyq» - «Oqjetpesti» qabyldaıdy.
