Aqtóbe teraktisine qatysqandardyń barlyǵy ustalyp, kózderi joıyldy - Q.Qasymov

ASTANA. QazAqparat - Aqtóbedegi teraktige qatysqandardyń barlyǵy ustalyp, kózderi joıyldy. Bul týraly búgin halyq aldynda esep bergen QR Іshki ister mınıstri Qalmuhanbet Qasymov málim etti.

«5 maýsymda Aqtóbede biz dinı ekstremızm men lańkestikke taǵy da tap boldyq. Ókinishke oraı, Ulttyq ulannyń 3 áskerı qyzmetshisi men 5 beıbit turǵyn qaza tapty. 7 áskerı qyzmetshi men 12 polıtseı jaraqat aldy. Qazirgi ýaqytta teraktige qatysqandardyń barlyǵy ustaldy jáne keıbiriniń kózderi joıyldy. Tergeý júrgizilýde», - dep atap ótti ol.

Bunyń aldynda mınıstr atap ótkenindeı, Aqtóbede jaǵdaı turaqtalǵan. «Lańkestiktiń «qyzyl» qaýpi alynyp tastaldy jáne ol «saryǵa» aýysty. Barlyq mekemeler qalypty jumysyna kiristi. Keshe quqyq qorǵaý organdarynyń kúsheıtilgen qyzmet rejımin alyp tastady», - deıdi Q.Qasymov.

Onyń sózi boıynsha, basqa óńirlerden jetkizilgen kúshtik qurylymdar óz úılerine qaıtarylǵan.