Aqtóbe tasymaldaýshylaryna jolaqy tarıfin kóterýge ruqsat etilmedi
ASTANA. QazAqparat - Mundaı sheshimdi Aqtóbeniń qoǵamdyq keńesiniń músheleri qabyldady, ákimdik tasymaldaýshylardyń qoǵamdyq kólik jolaqysyn kóterýge qatysty dálelderin jetkiliksiz dep baǵalady.
Aqtóbe ákiminiń orynbasary Naǵymjan Aldııarovtyń aıtýynsha, máslıhat depýtattary, qoǵamdyq keńes músheleri, ardagerler keńesi men ózge de azamattardan quralǵan komıssııa «Avtopark» JShS-y men «PATP» JShS-nyń qoǵamdyq kólikterdegi jolaqy tólemin kóterý týraly ótinimderin qarady.
«34 baǵdar boıynsha qyzmet kórsetetin «Avtopark» JShS bir rettik jolaqyny 131teńgege deıin kóterý týraly ótinim berdi, al 16 baǵdar boıynsha «PATP» JShS 105 teńgege deıin qymbattatýdy usyndy.
Alaıda komıssııa materıaldarda kórsetilgen tasymaldaýshynyń shyǵyndary jóninde birqatar suraq qoıdy. Ákimdik tasymaldaýshylardyń qoǵamdyq kólik jolaqysyn kóterýge qatysty dálelderin jetkiliksiz dep baǵalady», - delingen oblystyq ákimdik ákimdiktiń saıtynda.
Keńes músheleri berilgen ótinimdermen kelispeıtinderin bildirip, jolaýshylar joldaǵan shaǵymdar boıynsha qyzmet kórsetý sapasy, júrgizýshilerdiń tártibi jaıly kemshilikterdi aıtty. Avtoparkterge kórsetilgen ótinimderdi qaıta túzeý týraly keńes berildi, al komıssııaǵa atalǵan máseleni qaraýda zańnamada kórsetilgen barlyq rásimdi saqtaý tapsyryldy.
