Aqtóbe oblysynda taǵy 19 aýyldyń turǵyndary ishimdikten bas tartty

AQTÓBE. KAZINFORM — Aqtóbe oblysynda ishimdikten bas tartqan aýyldar sany bes aıda 40-tan 59-ǵa deıin ósti.

Aqtóbe oblysynda taǵy 19 aýyldyń turǵyndary ishimdikten bas tartty
Foto: Altynaı Saǵyndyqova/Kazinform

Іshimdikten bas tartqan aýyldyń kóbi Shalqar, Muǵaljar jáne Temir aýdandarynda tirkeldi.

— Alkogol ónimderin satý jáne tutynýdan erikti túrde bas tartý bastamasyn qoldaǵan aýyldar sany 59-ǵa jetti. Búginde bul aýyldarda 14 616 adam turady. Áıteke bı aýdanynda — 4, Alǵa aýdanynda — 3, Baıǵanın aýdanynda — 6, Yrǵyz aýdanynda — 2, Muǵaljar aýdanynda — 8, Temir aýdanynda — 7, Oıyl aýdanynda — 4, Qobda aýdanynda — 4, Mártók aýdanynda — 9, Shalqar aýdanynda — 9, Qarǵaly aýdanynda — 2 jáne Hromtaý aýdanynda 1 aýyl qoldady. Óńirde bul bastamany eń alǵash 2017 jyly Oıyl aýdanynyń Qarasý aýyly qoldaǵan, — dep habarlady Aqtóbe oblysy ákiminiń baspasóz qyzmeti.

Eske salaıyq, mamyr aıynda Aqtóbe oblysy boıynsha 40 eldimeken alkogol ónimderin tutynýdan bas tartqany týraly jazyldy. Іshimdikten bas tartqan aýyl aýyzbirshiliktiń úlgisin kórsetip otyr.