Aqtóbe sý qoımasynda qustar qyrylyp qaldy
AQTÓBE. QazAqparat – Aqtóbe sý qoımasynda qus qyryldy. Ekologtar sý synamasyn aldy, dep habarlaıdy QazAqparat tilshisi.
Aqtóbelikter sý qoımasy mańynda qustardyń qyrylǵanyn kórip, áleýmettik jelige jarııalady. Keıin mamandar tekserý jumysyna kiristi.
«Sý qoımasynda qustardyń qyrylǵany týraly aqparat bar. Biz sýdan synama aldyq. Qorytyndysy úsh kúnnen soń belgili bolady», - dedi oblystyq ekologııa departamenti basshysynyń orynbasary Erbolat Qojyqov.
Al orman sharýashylyǵy, janýarlar dúnıesi aýmaqtyq ınspektsııasy óz boljamyn aıtty.
«Shaǵalalar kúndiz Aqtóbe qoqys polıgonynda júredi, sol jaqta qorektenedi. Al keshke Aqtóbe sý qoımasyna keledi. Qazir sebebin dál aıta almaımyz», - dedi orman sharýashylyǵy, janýarlar dúnıesi aýmaqtyq ınspektsııasynyń jetekshi mamany Artýr Qańtarbaeva.
