Aqtóbe sý qoımasyna tasqyn týraly habar taratatyn qondyrǵy ornatyldy
AQTÓBE. QazAqparat - Aqtóbe sý qoımasyna qaýip-qater týraly ýaqytyly habar taratatyn avtomattandyrylǵan júıe qondyryldy. Bul elimizdegi sý qoımalaryna qondyrylǵan alǵashqy qurylǵy, dep habarlaıdy QazAqparat tilshisi.
Kóktemgi tasqyn kezinde Aqtóbede 1 myńnan astam úıdi sý basyp, 100-ge jýyq úı jaramsyz kúıge túsken bolatyn. Buǵan deıin habarlaǵanymyzdaı, «Qorqanat Aqtóbe» qory qurylyp, ár aýdan bir otbasyǵa páter, turmystyq tehnıka alyp berdi. Іri munaı kompanııalarynyń jumysshylary bir kúndik jalaqysyn aýdaryp, jan-jaqty kómek kórsetildi . Aldaǵy ýaqytta sý tasqynynyń aldyn alý úshin dabyl júıesin qondyrý mindettelgen. Elimiz boıynsha Aqtóbe sý qoımasyna alqashqy zamanaýı dabyl júıesi ornatyldy.
«Dabyl qondyrǵysy sý tasqyny týraly habardy aldyn ala taratady. ıAǵnı, sý qoımasy mańyndaǵy aýyldarǵa habar tez jetedi. Qondyrǵy sý qoımasyndaǵy sońǵy málimet tótenshe jaǵdaılar qyzmetine jetkizilip, ortaq júıe arqyly aýyldarǵa aqparat taraıdy»,- dedi «Qazsýshar» RMK Aqtóbe bólimshesiniń basshysy Bekzat Nametov.
Aıta keteıik, jańa qondyrǵynyń quny - 170 mıllıon teńge. Qarjyny BUU Damý jónindegi baǵdarlamasy bólip, elimizde alǵashqy tájirıbeni qolǵa aldy. Sý qoımasyna qondyrylǵan arnaıy qurylǵy qysymdy anyqtaıdy, sý deńgeıin habarlaıdy. Bul kóktemgi sý tasqynynyń aldyn alýǵa, qaýipsizdik sharasyn kúsheıtýge arnalǵan joba.
