Aqtóbe sý qoımasynan halyqqa qaýip joq – Sý resýrstary mınıstri
ASTANA. KAZINFORM – Sý resýrstary jáne ırrıgatsııa mınıstri Nurjan Nurjigitov Úkimet otyrysynda Aqtóbe oblysyndaǵy sý bógenderiniń ahýaly týraly málimet usyndy.
«Qazgıdromettiń 30 naýryz-5 sáýir aralyǵyna bergen boljamy boıynsha, tómendegi sý qoımalarda sý kóleminiń kóbeıý qaýpi bar. Osyǵan oraı bizdiń tarapymyzdan sýdy ýaqytyly ótkizý jumystary júrgizilip jergilikti atqarýshy organdarymen tótenshe jaǵdaı mınıstirligine tıisti málimetter ýaqytyly berilýde. Aıta ketsem, Aqtóbe sý qoımasyna 27-29 naýryz aralyǵynda 200 mln tekshe metr sý kelip tústi, bul onyń jobalyq kóleminiń 80%-y degen sóz. Sonymen qatar, jergilikti organdarmen birlesip, turǵyndardy evakýatsııalaýdy qamtamasyz etý úshin tómengi aǵysta jobalyq qýattan joǵary 15 mln tekshe metr sý jınaldy. 1 sáýirge Aqtóbe sý qoımasyn toltyrý kólemi 86% quraıdy. Qazirgi ýaqytta 300 m³/sek tranzıttik jiberý ornatyldy, sý tasqyny aǵynyn qabyldaý múmkindigi bar», - dedi ol.
Mınıstrdiń sózinshe, Aqtóbe jáne Qarǵaly sý qoımalaryndaǵy ahýaldy baǵalaý úshin Elek jáne Qarǵaly ózenderine áýeden tekserý jumystary júrgizilgen.
«Tekserý qorytyndysy boıynsha Aqtóbe sý qoımasyna erigen sýdyń qosymsha aǵyny túsetinin jáne onyń deńgeıi qaýipti emes ekenin atap ótkim keledi. Elek ózeni boıynsha odan ári salalar bolǵan jaǵdaıda, artyq sý mólsheri sý qoımasyna jınalatyn bolady, bul Qarǵaly ózeni (Elek ózeniniń búıirlik salasy) arqyly ótý úshin Elek ózeniniń deńgeıin tómendetýge múmkindik beredi. Búgingi tańda Qarǵaly sý qoımasy toltyrý rejıminde jumys istep tur jáne onyń deńgeıi 58% quraıdy», - dedi Nurjan Nurjigitov.
