Aqtóbe sý qoımasy jaǵalaýynan qus óleksesi tabyldy
AQTÓBE. KAZINFORM – Sýdan synama alynyp, qus óleksesi zerthanalyq tekserýge jiberildi. Tekserý jumysyna birneshe sala mamandary qatysady.
Aqtóbe sý qoımasyna barǵan qala turǵyny qus pen balyq óleksesiniń tabylǵanyn aıtyp, vıdeo jarııalady. Vıdeoda qus óleksesiniń jaǵaǵa qaraı shyǵyp qalǵanyn, keıbiri qum arasynda jatqanyn kórýge bolady.
Búgin Aqtóbe sý qoımasyna birneshe maman baryp, sýdan synama aldy. Qus óleksesi de zertteledi.
- Aqtóbe sý qoımasynda qus jáne balyqtyń óleksesi tabylǵany týraly aqparat tarady. Osyǵan baılanysty ınspektsııa mamandary jáne Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy, oblystyq ekologııa departamenti, orman sharýashylyǵy jáne janýarlar dúnıesi aýmaqtyq ınspektsııasy, veterınarııalyq baqylaý jáne qadaǵalaý ınspektsııasy mamandarynyń qatysýymen tekserý jumystary júrgizildi. Tekserý barysynda ólgen balyqtar anyqtalmaǵan. Jaǵdaıdy jan-jaqty zerdeleý maqsatynda arnaıy komıssııa quryldy. Komıssııa músheleri sý synamasyn, qustyń óleksesin alynyp, zerthanalyq tekserýge joldandy,- dep habarlady Tobyl-Torǵaı oblysaralyq basseındik balyq sharýashylyǵy ınspektsııasy.
Aıta keteıik, tamyz aıynda Aqtóbeniń Birsýat ózekshesinde balyq qyryldy.
