Aqtóbe stansasynda adam mert boldy

AQTÓBE. KAZINFORM -  Temirjol boıynda áıel kóz jumdy. Qazir tergeý júrip jatyr.

Kóliktegi polıtsııa departamentiniń baspasóz qyzmetiniń habarlaýynsha, oqıǵa 2 aqpan kúni boldy. Polıtsııa oqıǵanyń naqty qalaı bolǵanyn ashyp aıtpady.

- Aqtóbe stantsııasyndaǵy jelilik polıtsııa bóliminiń sotqa deıingi tergep-tekserý biryńǵaı tiziliminde QR Qylmystyq kodeksiniń «Abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý» baby boıynsha is tirkeldi. Qazirgi ýaqytta tergeý amaldary júrgizilip jatyr. Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy,- dep habarlady baspasóz qyzmeti.

Eske salsaq, «Oral – Astana» baǵytyndaǵy poıyzǵa mas kúıinde mingen 48 jastaǵy jolaýshy tereze syndyrǵan. Polıtsııa ony ustap, is sotqa joldandy.