Aqtóbe sottarynda azamattyq is kóbeıdi
AQTÓBE. KAZINFORM — Bıyl 9 aıda oblys sottarynda 24 myńǵa jýyq azamattyq is qaraldy. Bul byltyrǵy osy kezeńmen salystyrǵanda sotqa túsken is sany 6 myńǵa kóp.
Aqtóbe oblystyq soty 9 aıdyń qorytyndysyn shyǵardy. Oblystyq sottyń baspasóz qyzmetiniń habarlaýynsha, úsh toqsanda 1 158 qylmystyq is qaralyp, 930 is boıynsha úkim shyqty. Al oblystyń tergeý sýdıalary 3 616 ótinishti qaraǵan. Úıqamaqty sanktsııalaý jáne ózge de bultartpaý sharasy kezinde 252 adamǵa elektrondy bilezik taǵyldy.
— 9 aıda 14 myńnan astam ákimshilik quqyq buzýshylyq týraly is qaraldy, ıaǵnı byltyrǵy osy kezeńmen salystyrǵanda is sany 3,5% kóbeıgen. Sonymen birge oblys sottary 24 myńǵa jýyq azamattyq isti de qarady. 2025 jyldyń osy kezeńimen salystyrǵanda is sany 6 458-ge artyq. Talap qoıý óndirisinde istiń 43% jýyǵy tatýlasýmen aıaqtaldy, — dep habarlady Aqtóbe oblystyq sotynyń baspasóz qyzmeti.
Eske salsaq, bıyl Aqtóbede otbasyn qurǵandar azaıyp, ajyrasqandar kóbeıdi. Segiz aıda 3 211 neke tirkeldi. Al 1 498 jup ajyrasýǵa sheshim qabyldaǵan.
