Aqtóbe prokýrorlary «dinı pansıonattyń» atyn jamylǵan mekemelerdi japty

ASTANA. KAZINFORM —   Aqtóbe qalasy prokýratýrasy balalar pansıonattary túrindegi qaıyrymdylyq mekemelerin tekserý barysynda qoldanystaǵy zańnama talaptarynyń buzylǵanyn anyqtady.

«Aqtóbe qalasyndaǵy «Aqtóbe» jáne «Aqjar» pansıonattarynyń tárbıelenýshileriniń jeke isterin zerdeleý barysynda, tárbıelenýshilerdiń dinı ádebıetterdi paıdalanǵany, sonymen qatar, jeke isterinde dinı jazbalary bar dápterlerdiń bar ekeni anyqtaldy», - delingen habarlamada.

Іs júzinde mekemelerdiń qyzmeti olardyń jarǵylyq maqsattaryna qaıshy keletini belgili boldy. 

«Qaıyrymdylyq mekemeleri qyzmetiniń dinı beıimdiligi, balalar men tárbıeshilerdiń saýalnamalarymen de rastaldy. Sonymen qatar, obektilerde sanıtarlyq-epıdemıologııalyq, órt, eńbek zańnamasynyń talaptary buzylǵan», - dep habarlady oblystyq prokýratýra.

Atalǵan mekemeler óz qyzmetin sanıtarlyq-epıdemıologııalyq qorytyndylarsyz júzege asyrǵan.

Balalardyń tıisti bilim alýǵa, tárbıelenýge jáne der kezinde medıtsınalyq kómek alýǵa quqyqtary men bostandyqtary aıtarlyqtaı buzylǵan.

Qazirgi ýaqytta sot Aqtóbe qalasy prokýratýrasynyń talap-aryzy boıynsha «Aqtóbe» jáne «Aqjar» pansıonattaryn tirkeýden shyǵaryp, taratyp jiberdi.