Aqtóbe prokýratýrasy urylarǵa kómektesetin saıttardy japty
AQTÓBE. QazAqparat - Aqtóbe qalalyq prokýratýrasy 30 saıtty jabýǵa aryz túsirdi. Sot prokýratýranyń aryzyn qanaǵattandyrdy, dep habarlaıdy QazAqparat tilshisi.
«Aqtóbe qalalyq prokýratýrasy 30 ınternet-saıtty jabýǵa aryz túsirdi. Saıttyń kóbi urlyq jasaýǵa yńǵaıly zattar satady. Onda kóliktiń dabylyn skanerlep, ońaı ashýǵa bolatyn zattar erkin satylyp, suranysqa ıe bolǵan. Aqtóbe qalalyq sotty prokýratýranyń aryzyn qanaǵattandyrdy. Qazirgi ýaqytta prokýratýra urlyq jasaýǵa arnalǵan zattardy satyp alǵan adamdardy anyqtaý jumysyn júrgizip jatyr»,- dep habarlady oblystyq prokýratýranyń baspasóz qyzmeti.
Eske salsaq, aqtóbelik polıtsııa qyzmetkerleri kólik ishindegi sómke men akkýmýlıator urlyǵy jıi tirkelgenimen, aınany sheship alý múlde bolǵanyn aıtty. Al páter urlyǵy kezinde esiktegi qulyptyń kiltin sáıkestendirip, plastıkalyq tereze arqyly ońaı kirý deregi jıi tirkelgen.
