Aqtóbe prokýratýrasy polıtsııa tirkemegen qylmystardy anyqtady

AQTÓBE. QazAqparat – Aqtóbe qalasy Almaty aýdandyq prokýratýrasy quqyq qorǵaý organdary tirkemegen 13 isti anyqtady, dep habarlaıdy QazAqparat tilshisi.

Aqtóbe qalasynyń 29 jastaǵy turǵyny ájesiniń basynan ydyspen uryp, densaýlyǵyna qasaqana zııan keltirgen. Bul isti polıtsııa qyzmetkerleri otbasyndaǵy urys-keriske balap, ákimshilik hattama toltyrǵan.

«Saraptama qorytyndysyna súıensek, qarııanyń densaýlyǵyna asa aýyr zaqym kelgen. Sondyqtan ákimshilik hattamanyń kúshi joıylyp, prokýratýra Qylmystyq kodekstiń «Densaýlyqqa qasaqana aýyr zııan keltirý» babymen sotqa deıingi tergeý bastaldy», - dedi Aqtóbe qalasy Almaty aýdandyq prokýrory Jasulan Dáýlembaev.

Aıta keteıik, prokýratýra bıyl polıtsııa qyzmetkerleri tirkemegen 13 qylmystyq isti anyqtady.