Aqtóbe prokýratýrasy: Balalardy jeke mektepke aýystyrý isi zańsyz
AQTÓBE. QazAqparat - Aqtóbede orta mektepterde bala sany artyp, oblystyq bilim basqarmasy balalardy jeke mektepke aýystyrýǵa sheshim qabyldady. Oblystyq prokýratýra bul sheshimdi zańsyz dep tapty, dep habarlaıdy QazAqparat tilshisi.
Aqtóbe qalasyndaǵy Batys-2 aýdanynda mektepke oqýshylar syımaı jatyr. Oblystyq bilim basqarmasy balalardy jeke mektepke aýystyryp, jergilikti bıýdjetten 100 mıllıon teńgeden astam qarjy bóldi. Prokýratýra tekserýinen soń bul sheshimniń zańǵa qaıshy keletini málim boldy.
«Jańa oqý jyly bastalǵan kezde №63 jáne №64 orta mektep balalaryn ózge oqý ordasyna aýystyrý baǵytyndaǵy jumysqa ata-analar qarsy boldy. Oblystyq prokýratýra Aqtóbe qalalyq bilim bólimi men mektep dırektorlarynyń jumysyna zań aıasynda tekserý júrgizildi. QR «Bilim týraly» Zańynyń 47-baby, 1-tarmaǵyna sáıkes kez kelgen oqýshy ózi qalaǵan mektepte bilim ala alady. Osy zańǵa súıenip prokýratýra Aqtóbe qalasynyń ákimine zańsyzdyqty joıýǵa uıǵarym berdi», - dep habarlady oblystyq prokýratýranyń baspasóz qyzmeti.
Aıta keteıik, qazirgi ýaqytta balalar №63 jáne №64 mektepte oqyp jatyr. Olardy «Symbat» jeke mektebine barýǵa eshkim mindetteı almaıdy.
