Aqtóbe prokýratýrasy 400-den astam jumysshynyń eńbekaqysyn alyp berdi

AQTÓBE. QazAqparat - Aqtóbe oblystyq prokýratýrasy 409 jumysshynyń 168 mıllıon teńge eńbekaqysyn alyp berdi, dep habarlaıdy QazAqparat tilshisi.

Aqtóbede birneshe kompanııa men jeke kásipker jumysshylarynyń jalaqasyn ýaqytynda bermeı kelgen. Máselen, «Bashkırskoe shahtoprohodcheskoe ýpravlenıe - Kazahstan» JShS prokýratýra tekserýinen keıin 350 jumysshynyń jalaqysyn, jıyny 160 mıllıon teńge tóledi.

«Kenjebekov» jeke kásipkeri 7 jumysshysyna 3,8 mıllıon teńge, «ASKA Ekspo Tsentr» JShS 52 jumysshyǵa 5 mıllıon teńge qaryzyn ótedi. Bul baǵyttaǵy jumys jalǵasady», - dep habarlady oblystyq prokýratýranyń baspasóz qyzmeti.
Aıta keteıik, ýaqytyly eńbekaqy tólemegen jumys berýshiler ákimshilik jaýapkershilikke tartylyp, olarǵa 770 myń teńge aıyppul salyndy.