Aqtóbe polıtsııasy ǵasyrlyq tarıhy bar tapanshany tárkilep, mýzeıge qoıdy
AQTÓBE. KAZINFORM – Qarýdy shekaradan zańsyz alyp ótpek bolǵan azamat qylmystyq jaýapqa tartyldy. Al tapansha polıtsııa departamentiniń mýzeıine qoıyldy.
Aqtóbedegi «Álimbet» shekara beketi arqyly ótpek bolǵan Atyraý qalasynyń turǵynynan 1895 jyly jasalǵan qarý tabyldy. Qarýdyń qujaty bolmady. Sondyqtan ıesi qylmystyq jaýapqa tartylyp, 2 jylǵa shartty jaza kesildi.
– Tarıhı-mádenı qundylyqqa ıe zat retinde tárkilengen tapansha Aqtóbe oblysy polıtsııa mýzeıine tapsyryldy. Bul – «Maýzer» markaly ózdiginen atylatyn tapansha. HІH ǵasyrdyń sońǵy kezeńindegi qarý jasaý isiniń damýyn aıqyn kórsetip tur. Mýzeıge kelýshiler atys qarýynyń damý tarıhyn ǵana emes, sonymen qatar quqyq qorǵaý organdarynyń zańsyz qarý aınalymyna qarsy jumystaryn kóre alady, - dedi oblystyq PD baspasóz qyzmetiniń jetekshisi Erbolat Sarqulov.
Buǵan deıin habarlanymyzdaı, Bas kólik prokýratýrasy ınternet-keńistiktegi sýyq qarýdyń zańsyz aınalymynyń jolyn kesý boıynsha sharalar qabyldap jatqanyn málimdedi. Ańshylyq kásipshilikpen baılanysty jaǵdaılardy qospaǵanda, sýyq qarýdy zańsyz alyp júrý nemese ótkizý, sol sııaqty tıisti ruqsaty joq adamdarǵa qarý men oq-dárilerdi satý Qazaqstan Respýblıkasy Qylmystyq kodeksiniń 287-baby boıynsha qylmystyq jaýapkershilikke ákep soǵady.