Aqtóbe polıtseıleri esirtki jetkizý arnasynyń jolyn kesti
ASTANA. KAZINFORM – Aqtóbede esirtki satýshylardan 77 kg marıhýana tárkilendi. Bul týraly Polisia.kz saıty jazdy.
Aqtóbe oblysynda esirtki qylmysyPolisia.kz.na qarsy is-qımyl bólinisiniń qyzmetkerleri ońtústik óńirden esirtki jetkizý arnasynyń jolyn kesti, – dep habarlaıdy
– Aqtóbede qala turǵyny tizgindegen Toyota Alphard avtokóligi toqtatyldy. Kólikti tintý kezinde júksalǵyshta ósimdik tektes, jasyl tústi, erekshe ıisi bar zat salynǵan jáne skotchpen oralǵan alty polımerli qap tabylyp, tárkilendi. Saraptama qorytyndysyna sáıkes tárkilengen zat salmaǵy 57,5 kg marıhýana ekeni anyqtaldy, – dedi QR ІІM esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov.
Ary qaraı júrgizilgen jedel-izdestirý is-sharalary nátıjesinde taǵy bir kúdikti ustaldy.
Onyń garajynan ósimdik tektes zattar bar eki úlken qara paket tabylyp, tárkilendi.
Tárkilengen zat salmaǵy 20 kg bolatyn marıhýana bolyp shyqty. Medıtsınalyq kýálandyrý qorytyndysyna sáıkes ekinshi kúdikti ustalǵan sátinde esirtkilik masań kúıde bolǵan. Jalpy salmaǵy 77 kg-nan asatyn bul esirtkilerdi atalǵan adamdar óńirge jetkizip, keıinnen satý maqsatynda saqtaǵan.
– Qylmysqa qatysy bar basqa adamdardy anyqtaý boıynsha sharalar jalǵasyp jatyr. Esterińizge sala keteıik, uıymdasqan qylmystyq toptyń quramynda jasalǵan osy qylmys úshin ustalǵandarǵa 15 jylǵa deıin bas bostandyǵynan aıyrý jazasy qarastyrylady. Tergeý múddesi úshin basqa aqparat jarııa etilmeıdi, – dedi Ámirhanov.
