Aqtóbe polıtsııasy zorlyq jasap, adam óltirgen kúdiktilerdi izdep jatyr
AQTÓBE. QazAqparat – Aqtóbe oblystyq polıtsııa departamenti izdeýde júrgen kúdiktilerdiń fotosyn jarııalady, dep habarlaıdy QazAqparat tilshisi.
32 jastaǵy Talǵat Joldasbaev jáne 38 jastaǵy Asqar Nurmaǵanbetov Qylmystyq kodekstiń «Zorlaý» baby boıynsha kúdikke iligip, izdeý jarııalandy. Krımınaldyq polıtsııa basqarmasy olardyń aty-jóni men fotosyn anyq kórsetip, kez kelgen aqparat týraly habar berýin surady.
«Kúdiktilerdiń qaı jerde ekenin biletin adamdar 102, 936-225, 936-100 baılanys telefonyna habarlasýyna bolady. Sonymen qatar 8 776-546-66-66, 8 701-380-80-30, 8 775-735-79-78, 8 776-765-2444 nómirleri jumys istep tur», - dep habarlady oblystyq PD baspasóz qyzmeti.
Aıta keteıik, asa aýyr qylmys jasaǵan kúdikti Qanat Zaırovqa kisi óltirip, bir adamnyń ómirine qaýip tóndirgeni úshin halyqaralyq izdeý jarııalandy. Al 29 jastaǵy Aıdar Ishnııazov qaraqshylyq shabýyl jasady degen kúdikke ilikti. Bári de qazir halyqaralyq izdeýde júr.
