Aqtóbe polıtsııasy páter tonaǵan kúdiktiden iri kólemde aqsha tárkiledi
AQTÓBE. QazAqparat - Aqtóbe qalasyndaǵy Aqjar-2 eldi mekenindegi úıden baǵaly altyn buıymdar men aqsha urlaǵan kúdikti ustaldy, dep habarlaıdy QazAqparat tilshisi.
Polıtsııaǵa belgisiz bireýdiń úıdegi plastıkalyq terezeni syndyryp, jasyryn túrde zergerlik buıymdar men aqshany urlaǵany týraly habar tústi. Jedel-izdestirý sharalary barysynda polıtsııa qyzmetkerleri qaladaǵy Shernııaz kóshesinen Almaty oblysynyń 34 jastaǵy turǵynyn ustady. Onyń «Toyota Camry-50» avtokóligin tintý kezinde qobdıshadan zergerlik buıymdar men iri somadaǵy aqsha tabyldy.
«Urlyq faktisi boıynsha Qylmystyq kodekstiń 188-baby 3-bóligi, ıaǵnı, «Urlyq» baby boıynsha sotqa deıingi tergeý júrgizilip jatyr. Kúdikti Aqtóbe qalasynyń tergeý ızolıatoryna qamaldy. Aldyn ala tergeý barysynda anyqtalǵandaı, ol kúzet júıesimen jabdyqtalmaǵan úılerdi tańdaǵan. Sonymen qatar Aqtóbedegi 5 páter urlyǵyna qatysy bar ekendigi anyqtaldy», - dedi oblystyq PD baspasóz qyzmetiniń jetekshisi.
Aıta keteıik, kúdiktiniń osyǵan uqsas qylmysqa qatysynyń bar-joǵy tekserilip jatyr.
