Aqtóbe polıtsııasy ózgeniń beıitine jerlengen adamnyń tulǵasyn anyqtaýǵa kiristi
AQTÓBE. QazAqparat - Aqtóbe oblystyq ІІD bir beıit ishine ekinshi adamnyń jerlenýine qatysty isti tekserip jatyr, dep habarlaıdy QazAqparat tilshisi.
Aqtóbe oblysynyń Alǵa aýdany Erkin kúsh aýyly mańyndaǵy zıratqa ózgeniń beıitine taǵy bir adamnyń jerlengeni belgili boldy. Buǵan deıin habarlaǵanymyzdaı, belgisiz bireýler áıel adamdy arýlap kómgen, biraq aty-jóni jazylmaǵan.
Qazirgi ýaqytta oblystyq ІІD oqıǵaǵa baılanysty tergeý jumystaryn bastady.
«Ózgeniń beıitine belgisiz adamnyń jerlenýi deregi boıynsha tergeý jumystary bastaldy. Zertteý júrgiziledi. Oqıǵanyń jaı-japsary anyqtalyp jatyr»,- dep habarlady Aqtóbe oblystyq ІІD baspasóz qyzmetinen.
Aıta keteıik, beıitte tabylǵan ekinshi adamnyń múrdesin anyqtaý úshin birneshe saraptama taǵaıyndaldy. Oblystyq ІІD qosymshy málimetti tek saraptama qorytyndysynan soń habarlaıtynyn jetkizdi.
