Aqtóbe polıtsııasy kóshe kezip júrgen eki balanyń ata-anasyn izdep jatyr
AQTÓBE. QazAqparat - Aqtóbe polıtsııasy jas shamasy 3 jáne 4-gi eki balanyń anasyn izdep jatyr, dep habarlaıdy QazAqparat tilshisi.
Aqtóbe qalalyq polıtsııa basqarmasy Almaty aýdandyq bóliminiń aýmaǵynda eki bala tabyldy.
Aqtóbe qalasy Shernııaz kóshesindegi 160-úı manynda shamamen 3 jáne 4 jastaǵy eki bala oınap júrgen.
«19:00 kezinde polıtsııa qyzmetkeri olardyń qaraýsyz júrgenin anyqtady. Qazir polıtsııa qyzmetkerleri búldirshinderdiń zańdy ókilderin izdestirip jatyr»,- dedi oblystyq PD baspasóz qyzmetiniń jetekshisi Erbolat Sarqulov.
