Aqtóbe polıtsııasy karantın talabyn buzǵandardy anyqtady
AQTÓBE. QazAqparat – Aqtóbe polıtsııasy monıtorıng tobymen birge karantın rejıminiń saqtalýyn qadaǵalady. Reıd kezinde talapty oryndamaǵandarǵa qatysty materıal jınaqtalyp, sanıtarııa mamandaryna tapsyryldy, dep habarlaıdy QazAqparat tilshisi.
Oblystyq polıtsııa departamenti, taýarlar men kórsetilgen qyzmetterdiń sapasy men taýarlar qaýipsizdigin saqtaý departamenti jáne memlekettik mekeme qyzmetkerleri, qoǵamdyq keńes músheleri tekserýdi jalǵastyryp jatyr. Olar keshkilik karantın erejesiniń saqtalýyn qadaǵalaıdy.
«Reı̆d barysynda tekserilgen obektilerdiń karantın rejımin saqtamaǵany anyqtaldy. Ýchaskelik ınspektorlar qujatty jınaqtap, Aqtóbe oblysynyń taýarlar men kórsetilgen qyzmetterdiń sapasy men taýarlar qaýipsizdigin saqtaý departamentine shara qoldanýǵa jiberdi. Negizi karantın engizilgen kúnnen beri barlyǵy 20-dan astam quqyq buzýshylyq anyqtalyp, jınalǵan qujattar quzyrly mekemelerge tapsyryldy. Polıtsııa departamenti barlyq azamattardy qabyldanatyn sharalarǵa túsinistikpen qarap, karantın rejımin saqtaýdy suraı̆dy», - dedi oblystyq PD baspasóz qyzmetiniń jetekshisi Erbolat Sarqulov.
