Aqtóbe polıtsııasy eki balany qaǵyp ketken júrgizýshini izdep jatyr
AQTÓBE. QazAqparat - Aqtóbede eki balany qaǵyp, esh kómek kórsetpeı ketip qalǵan júrgizýshini polıtsııa izdep jatyr, dep habarlaıdy QazAqparat tilshisi.
Boljam boıynsha «Hundai» markaly avtokóliginiń júrgizýshisi Aqtóbe qalasyndaǵy Oraz Táteıuly men Máńgilik el kósheleriniń qıylysynda balalardy qaǵyp, alǵashqy medıtsınalyq kómek kórsetpesten belgisiz baǵytqa qashyp ketken. Atalǵan jol-kólik oqıǵasynyń kýágerleri jedel járdem men polıtsııany shaqyrǵan.
«Qazirgi ýaqytta polıtsııa qyzmetkerleri jol-kólik oqıǵalarynyń kinálisin anyqtaý jáne ustaý boıynsha jedel-izdestirý is-sharalaryn júrgizip jatyr. Kámeletke tolmaǵan eki bala oblystyq balalar aýrýhanasyna jetkizilip, medıtsınalyq kómek kórsetilgennen keıin úıine jiberildi. Polıtsııa departamenti osy jol-kólik oqıǵasynyń kýágerlerin 102 nómirine habarlasýdy suraıdy»,- dep habarlady oblystyq PD baspasóz qyzmeti.
