Aqtóbe polıtsııasy dalada shashylǵan sábizge qatysty túsinik berdi
AQTÓBE. QazAqparat – Aqtóbe qalasynyń irgesindegi aýyl mańynda sábiz tógilip, turǵyndar ony terýge bardy. Áleýmettik jeli arqyly estip-bilgen turǵyndarǵa polıtsııa túsinik jumysyn júrgizdi, dep habarlaıdy QazAqparat tilshisi.
Áleýmettik jeli arqyly aqtóbelikter bir-birine habarlap , aýyl mańynda tógilgen sábizdi jınaýǵa kóp adam jınalǵan.
Keıin dál sol sábiz toly aýmaqta traktorlar kómý jumysyn júrgizgen.
«Polıtsııanyń bul oqıǵaǵa esh qatysy joq. «Prıgorodnyı» seriktestigi óz terrıtorııasyna kóktep ketken sábizdi tógip tastaǵan. Bul - joıýǵa arnalǵan kókónis. Terip alýǵa barǵan adamdar mal azyǵyna jınalǵan shóp mańynda temeki shege bastaǵanda qaýiptenip, polıtsııadan kómek surady. Al polıtsııa túsindirý jumysyn júrgizdi», - deıdi oblystyq PD baspasóz qyzmetiniń jetekshisi Erbolat Sarqulov.