Aqtóbe polıtseıleri zaýytty óreskel tonaýdyń aldyn aldy
AQTÓBE. 9 jeltoqsan. QazAqparat - Tórt belgisiz adam polıetılen zaýytyn tonaýǵa tyrysqan, dep habarlady ІІD baspasóz qyzmetinen.
Shabýyldaýshylar zaýyttyń kúzetshi vagonyna basa kóktep kirip kelip, 50 jastaǵy kúzetshini uryp-soǵyp, baılap qoıǵan. Der kezinde kelip jetken jol-patrýldik polıtsııa batalonynyń qyzmetkerleri 27-36 jastar shamasyndaǵy tórt er adamdy ustady. Qylmyskerler aqsha, uıaly telefon jáne kompıýterdi urlamaqshy bolǵan.
Suraq-jaýap alý kezinde ustalǵandar istegen isterin tolyǵymen moıyndady. Qazirgi ýaqytta kúdiktiler QR QІK 132-babynda kórsetilgen tártippen Aqtóbe qalasy ýaqytsha qamaý oqshaýlaǵyshyna toǵytyldy. Jeke tekserý júrgizý kezinde kúdiktilerden oramal, kóz ornynan kesilgen oıyǵy bar toqylǵan bas kıim jáne skotch tárkilendi.
