Aqtóbe perzenthanasyndaǵy jas ananyń ólimine baılanysty dárigerler jazalandy
AQTÓBE. QazAqparat - Aqtóbe oblystyq aýrýhanasy janyndaǵy perzenthanada jas ana qaıtys boldy. Sábı jansaqtaý bóliminde em alyp jatyr, dep habarlaıdy QazAqparat tilshisi.
«Úshinshi deńgeıli perzenthanada ana ólimi tirkeldi. Qazirgi ýaqytta táýelsiz sarapshylardan qurylǵan komıssııa tekserý jumysyn bastady. Potologııalyq zertteý aıaqtalǵan soń qorytyndysy qosymsha habarlanady. Ana ólimi tirkelgen soń aýrýhanadaǵy bosaný bóliminiń basshysy jumystan bosatylyp, qyzmeti tómendedi. Ana men bala bóliminiń meńgerýshisi óz erkimen qyzmetin bosatty. Ol endi dáriger bolyp jumys isteıdi. Komıssııa qorytyndysy prokýratýraǵa beriledi», - dedi Aqtóbe oblystyq densaýlyq saqtaý basqarmasy basshysynyń orynbasary Svetlana Esenamanova.
Aıta keteıik, ana ólimi tirkelse, arnaıy komıssııa qurylyp, qorytyndysy mindetti túrde quqyq qorǵaý organdaryna jiberiledi. Prokýratýra qylmys belgisin anyqtasa, sotqa jiberedi.
«Qazir dıagnozyn aıta almaımyz. Ana men bala bóliminiń meńgerýshisi bosandyryp alǵan. Qyzmeti aqyly bolmaǵan. Jas ana qalada turdy. Jasy 28-de. Tolǵaqpen perzenthanaǵa jetkizildi. Týǵan-týystary men dostaryna kóńil aıtamyz», - dedi S.Esenamanova. 
