«Aqtóbe» óz alańynda «Qaıratty» súrindirdi

ASTANA. QazAqparat - Fýtboldan premer-lıga komandalary arasyndaǵy el birinshiliginiń 18-týrynda Qyzylordanyń «Aqtóbe» óz alańynda «Qaıratty» súrindirdi, dep habarlaıdy QazAqparat tilshisi.

Týrnır kestesinde komandalar qatarlas tur. Dese de ekeýiniń arasynda alty upaı aıyrmashylyǵy bar edi. Ekeýi negizinen úshinshi oryn úshin saıysqa túsip keledi. Aqtóbelik klýb jeńiske jetken jaǵdaıda qola júldege jaqyndaı túsetin.

Oıynnyń birinshi kezeńi tartysty ótti. Alań ıeleri qatarynan Shına 20, Elder Santana 34- mınýtta soqqan goldarǵa almatylyq klýbtan Dmıtrıı Sergeev 29, Artýr Shýshenachev 45-mınýtta eki golmen jaýap qaıyrdy.

Ekinshi kezeńde «Aqtóbe» sapynan Álibek Qasym 52, Dmıtrıı Shomko 57-mınýtta mergendik tanytyp, esepti ústemeleı tústi.

Osylaısha «Aqtóbe» qarsylasynan 4:2 esebimen basym túsip, úshinshi orynǵa 38 upaımen berik ornyqty.

Aıta ketsek, 6 tamyzda «Qaısar» Qostanaıda «Tobyldy» jeńip ketti.

Atalǵan týrda 5 tamyzda «Kaspıı» «Aqsýdy» 3:1 esebimen tize búktirse, «Jetisý» men «Qyzyljar» 1:1, «Shahter» men «Atyraý» 2:2 esebine qanaǵat bildirdi.

Atalǵan týrdaǵy «Ordabasy» (Shymkent) men «Maqtaral» (Túrkistan oblysy) kezdesýin 27 qyrkúıekte ótkizý josparlanyp otyr.

Bul týrdaǵy «Astana» men «Oqjetpes» (Aqmola oblysy) belgisiz merzimge keıinge qaldyrylǵan.