Aqtóbe–Orynbor: «Shaǵarshyn-Jaısań» shekara beketiniń ótkizý múmkindigi artady
AQTÓBE. QazAqparat - «Orynbor – Eýrazııa júregi» halyqaralyq forýmynda «Shaǵarshyn-Jaısań» beketindegi ótkizý jolyn keńeıtý josparyna qol qoıyldy, dep habarlady QazAqparat tilshisi.
Aqtóbe oblysynyń ákimi Ońdasyn Orazalın «Orynbor – Eýrazııa júregi» halyqaralyq forýmy aıasynda ótken «Ulttyq bastamalardyń azamattar múddesindegi eýrazııalyq ıntegratsııasy» atty plenarlyq otyrysqa qatysty. Forýmǵa Qazaqstan, Reseı, Ózbekstan, Belarýs jáne basqa elderden 3 myńnan astam adam qatysty. «Orynbor – Eýrazııa júregi» - bul aldymen tájirıbe almasý, memleketter men kásipkerler arasynaǵy baılanys. Bul qarym-qatynas biz úshin mańyzdy. Qazir Biz shekaralas óńirlerdegi áriptesterimizben tyǵyz qarym-qatynas jasap, jobalardy tabysty júzege asyryp jatyrmyz», - dedi Orynbor oblysynyń gýbernatory Denıs Pasler. Ońdasyn Orazalın forýmnyń týrıstik, ınnovatsııalyq jáne ınvestıtsııalyq áleýetin damytýǵa yqpal etip jatqanyn atap ótti. «Qazaqstan men Reseı óńirlik ıntegratsııany tereńdetýdi senimdi túrde jalǵastyrýda. Al Aqtóbe men Orynbor oblystarynyń ózara qarym-qatynasy - tabysty óńiraralyq áriptestiktiń jarqyn úlgisi. Biz tatý kórshilik qarym-qatynasty nyǵaıtýǵa múddelimiz. .ul bizdiń memleket basshylarymyzdyń strategııalyq seriktestiginiń jalǵasy. Reseı, onyń ishinde Orynbor oblysy syrtqy saýdadaǵy seriktesimiz bolyp tabylady. Іri bıznes jaqsy damyǵan. Shaǵyn jáne orta bıznes, aýyl sharýashylyǵy men áleýmettik saladaǵy seriktestik damyp jatyr. Aqtóbe oblysynyń Reseımen aradaǵy taýar aınalymy osy jyldyń segiz aıynyń qorytyndysy boıynsha 676,3 mln dollardy qurady. Sonyń ishinde eksport 245 mln, ımport – 431,3 mln dollar. Orynbor oblysymen aradaǵy taýaraınalym 48,2 mln dollardy qurasa, onyń ishinde eksport úlesi 18,2 mln dollar, ımport - 29,9 mln dollar. Reseı kapıtaly bar óndiris sany da jyl saıyn artyp keledi. Búginde bizdiń oblystaǵy 1 084 sheteldik kompanııanyń 534-i Reseıdiki»,- dedi óńir basshysy. Oblys ákimi shekara mańyndaǵy ınfraqurylymdy jaqsartý, Reseı men Qazaqstan arasyndaǵy shekara beketteriniń ótkizý múmkindikterin keńeıtý suraqtaryna basa nazar aýdardy. Forým barysynda «Shaǵarshyn-Jaısań» beketindegi ótkizý jolyn keńeıtý jospary bekitildi.
