Aqtóbe-Orynbor baǵytyndaǵy baǵdarlyq avtobýstan shaı qoraptaryna jasyrylǵan esirtki zattary tabyldy

QR Qarjy mınıstrligi Kedendik baqylaý komıtetinen málim etkendeı, Qazaqstan Respýblıkasy aýmaǵyna ákelýge jáne áketýge shekteý salynǵan quraldardy anyqtaý maqsatynda, tamyzdyń 16-sy kúni Aqtóbe oblysy boıynsha «Jaısan» keden beketi aýmaǵyna kirgen «Droqmoller» markaly Aqtóbe-Orynbor baǵytyndaǵy avtobýsqa mingen jolaýshylardyń jeke zattary men júkterine kedendik tekserýler júrgizildi.

Nátıjesinde atalmysh bekettiń kınolog-mamany S.Toqtarovtyń qyzmettik-izdestirý ıti júk bóliginen, ishine tórt shelpek nan, bir qorap shokolad, eki shólmek konıak, tez daıarlanatyn eki kespe kóje men bes qorap shaı salynǵan azyq-túlik sómkesin tabady. Jiti tekserý barysynda shaı qoraptarynyń ishine salynǵan erekshe ıisi bar qońyr tústi zatqa nazar aýdarylyp, saraptama qorytyndysy ony jalpy salmaǵy 1531,38 gramdy quraıtyn - keptirilgen marıhýana ekendigin anyqtady.