Aqtóbe-Orsk kúre jolynda júk kóligine jol bermegen jas júrgizýshi qaza tapty
AQTÓBE. QazAqparat - Aqtóbe - Orsk baǵytyndaǵy jolda KamAZ jeńil kólikpen soqtyǵysyp, eki adam mert boldy, dep habarlaıdy QazAqparat tilshisi.
27 jáne 30 jastaǵy eki adam qaza tapqan oqıǵa Aqtóbe-Orsk baǵytyndaǵy tasjoldyń 31 shaqyrymynda boldy.
«Tańǵy saǵat 8:00-de Aqtóbe-Orsk tasjolynda 23 jastaǵy «Folksvagen Golf» mashınasynyń júrgizýshisi jol qozǵalysy erejesin buzyp, basty jolda kele jatqan KamAZ kóligine jol bermegen. Saldarynan júrgizýshi men jeńil kóliktegi 30 jastaǵy jolaýshy mert boldy. Ekeýi de Aqtóbe oblysynyń turǵyny. Eshkim aýrýhanaǵa jetkizilgen joq. Júk kóliginiń 45 jastaǵy júrgizýshisi din aman»,- dep habarlady Aqtóbe oblystyq ІІD baspasóz qyzmeti. Qazir osy oqıǵaǵa baılanysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sot aldy tergeý bastaldy.
