Aqtóbe oblysynyń «Túngi sottary» jyl basynan beri 500-den asa ákimshilik isti qarady
AQTÓBE. QazAqparat - Aqtóbe oblysynyń «Túngi sottary» jyldyń basynan beri 500-den asa ákimshilik isti qarady, dep habarlaıdy Aqtóbe olystyq sotynyń baspasóz qyzmeti.
Baspasóz málimetterine qaraǵanda, Aqtóbe oblysynyń sottarynda ótken jyldyń qazan aıynan bastap «Túngi sot» pılottyq jobasy iske qosylǵan. Mundaǵy maqsat azamattardyń quqyqtaryn qorǵaý jáne sot isin júrgizýdi jedeldetý bolyp tabylady. Jobanyń sheńberinde oblys sottarynda otbasy-turmystyq qatynastar salasyndaǵy ákimshilik quqyqbuzýshylyqtar, usaq buzaqylyqtar jáne kólik quraly men materıaldyq zalal keltirýmen baılanysty ister, sondaı-aq kóshi-qon zańnamasyn buzý faktileri qaralady. «Túngi sottyń» saǵat 18-den 22-ge deıin jumys isteýi azamattardyń ýaqyt únemdeýine kóp kómegin tıgizedi.
Mysaly, jyldyń basynan bastap óńirdiń «túngi» sottary 511 isti qarady.
«Qazirgi tańda «túngi sot» qyzmetiniń tıimdiligin azamattardyń isti qaraýǵa ózderi úshin qolaıly ýaqytta kelý múmkindigimen qamtamasyz etý bolyp tabylady»,-delingen Aqtóbe oblystyq sotynyń baspasóz qyzmeti taratqan málimetterde.
