Aqtóbe oblysynyń prokýratýrasy 1930-40 jyldary saıası qýǵyn-súrginge ushyraǵan 22 azamatty aqtaý týraly sheshim qabyldady

Bul týraly QR Bas prokýratýrasynan málim etti.

Bas prokýratýra ókilderiniń aıtýynsha, ótken ǵasyrdyń 30-40-shy jyldary jappaı saıası qýǵyn-súrginge ushyraǵan azamattardy aqtaý máselesi boıynsha tekserister turaqty túrde júrgizilip otyrady.

Sol kezde qozǵalǵan kezekti qylmystyq isterdi taıaýda Aqtóbe oblysynyń prokýratýrasy qarady. Anyqtalǵandaı, Qazaqstandaǵy Birikken memlekettik saıası basqarý (BMSB) ókiletti ókildiginiń (ÓÓ) janyndaǵy «úshtiktiń» 1930 jyldyń 6 jeltoqsanyndaǵy qaýlysymen, banda jasaqtaryn qurǵany úshin, Aqtóbe okrýgi Shalqar aýdanynyń 6 aýylynda sharýashylyq kompanııalardyń engizilýine qarsy shyqqany úshin, okrýgtiń ońtústik aýmaqtaryna halyqtyń kóshýin uıymdastyrǵany úshin, Keńestik úkimetke qarsy antıkeńestik úgit júrgizgenderi úshin Reseı Keńestik Federatıvti Sotsıalıstik Respýblıkasynyń Qylmystyq kodeksiniń 58-8, 58-10 jáne 59-3 baptary boıynsha 22 azamat kináli dep tabyldy. Olardyń 4-eýiniń - múlki tárkilenip, atý jazasyna kesildi; 3-eýi - 10 jylǵa; 7-eýi - 5 jylǵa; taǵy 2-ýi 3 jylǵa bas bostandyqtarynan aıyryldy; 3-ýi belgilenbegen merzimge Qazaqstan aýmaǵynda jer aýdaryldy; 3-ýi - merzimderin aldyn ala qamaýda ótegendikten, bosatyldy.

Qazaqstan Respýblıkasynyń «Jappaı saıası qýǵyn-súrgin qurbandaryn aqtaý týraly» Zańynyń 4-shi jáne 5-shi baptaryn negizge ala otyryp, Aqtóbe oblysynyń prokýratýrasy qylmys quramy tabylmaýyna baılanysty atalmysh 22 tulǵaǵa qatysty qozǵalǵan qylmystyq isterdi toqtatty. QR «Jappaı saıası qýǵyn-
súrgin qurbandaryn aqtaý týraly» Zańyna sáıkes olardy aqtaý sheshimi qabyldandy.

Tarıh betterine súıensek, 1921-1954 jyldar aralyǵynda Qazaqstanda 103 myń adam qýǵyn-súrginge ushyrady, taǵy 25-i atý jazasyna kesildi.

Búgingi kúnge deıin respýblıkada Qazaqstanǵa jer aýdarylǵandardy qosa alǵanda zańsyz qýǵyn-súrginge ushyraǵan 350 myń adam aqtaldy. Muraǵatty qujattardy qaraý jumystary jalǵastyrylýda.