Aqtóbe oblysynyń komendaty qalada bolǵan tártipsizdik týraly aıtyp berdi
Aqtóbe oblysynyń komandaty Qanat Álıevtiń aıtýynsha, 4 qańtar kúni narazylyq bildirýshiler avtojoldardy japty, áýe jáne temirjol tasymaly da toqtatyldy.
«Іshimdik pen esirtkini paıdalanǵan demonstranttar bılik ókilderi men quqyq qorǵaý organdarynyń qyzmetkerlerine qarsy agressııa kórsetip, órtenetin qospalar, tas, taıaq qoldanǵan. Polıtsııa qyzmetkerlerin avtokólikpen qaqty. Bul kúnderi 17 polıtsııa qyzmetkeri jaraqat aldy. Qyzmettik kólik pen baılanys quraldary da zaqymdaldy. Janǵysh zaty bar ydystar men taıaq, tas tárkilendi. Óńirde tártipti qalpyna keltirý aıasynda qańtardyń 6-synan 7-ne qaraǵan túni quqyq qorǵaý organdarynyń qyzmetkerleri men áskerı qyzmetshiler alańdy tazartý jáne oblys ákimdigi ǵımaratyn bosatý operatsııasyn júrgizdi. Nátıjesinde polıtsııa bólimderine 200-ge jýyq adam jetkizildi. Onyń 160-tan astamy ákimshilik jaýapqa tartyldy», - dedi Aqtóbe oblysynyń komandaty Qanat Álıev.
Qazirgi kezde 960-tan astam adam ustalyp, polıtsııa bólimderine jetkizildi. Olardyń ishinde asa aýyr qylmys jasady degen kúdikpen 7 adam ýaqytsha ustaý ızolıatoryna ornalastyryldy. Al 312 azamat ákimshilik qamaýǵa alyndy.
