Aqtóbe oblysynyń bes aýdanynda medıtsınalyq beket salynady

AQTÓBE. QazAqparat - Bıyl Aqtóbe qalasynda jedel járdem beketi men oftalmologııalyq klınıkanyń jáne Maresev kóshesinde medıtsına qyzmetkerlerine arnalǵan turǵyn úıdiń qurylysy bastaldy, dep jazady oblystyq «Aqtóbe» gazeti.

Bundaı sharalar aýdandarda da júrgiziledi. Bıyl aýdandarda bes medıtsınalyq pýnkt salynady. Olar - Muǵaljarda Qumsaı aýyly, Yrǵyzda - Telman, Janys bı, Áıteke bıde - Mıly, Alǵa aýdanynda Kóptoǵaı  aýyly.

Sondaı-aq maýsymnyń  jıyrmasynan keıin taǵy bir baýyr aýystyrý otasy jasalady. Qazir naýqas pen donordy medıtsınalyq tekserýden ótkizip, daıyndyq jumystary júrgizilip jatyr. Buǵan deıin ota jasaǵan eki naýqas qazir dárigerlerdiń baqylaýynda.

Oblystyq densaýlyq saqtaý basqarmasynyń basshysy Áset Qalıevtyń aıtýynsha, baýyr aýystyrǵan alǵashqy naýqastyń densaýlyǵy jaqsy, al ekinshi ota jasaǵan naýqasta asqynýlar paıda bolyp, qazir ol em alý ústinde. Al baýyryn bergen azamattardyń densaýlyǵynda eshqandaı aqaý joq.

 Kámshat QOPAEVA