Aqtóbe oblysynyń ákimi jaraly jaýyngerdiń jaǵdaıyn bildi

NUR-SULTAN. QazAqparat – Aqtóbe oblysynyń ákimi Ońdasyn Orazalın aýrýhanada jatqan qatardaǵy jaýynger Vasılıı Larıchevtiń jaǵdaıyn bildi, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵynyń baspasóz hatshysy, podpolkovnık Erbolat Sultanovtyń málim etkenindeı, 6655-áskerı bóliminiń sarbazy V.Larıchev

Aqtóbedegi qaqtyǵys kezinde basynan aýyr jaraqat alǵan bolatyn.

Oblystyq aýrýhanaǵa kelgen óńir basshysy zańsyz mıtıngi kezinde qyzmettesin qorǵap, batyldyq tanytqan sarbazǵa alǵysyn bildirdi.

«Batys» óńirlik qolbasshysynyń orynbasary Pavel Sıtnıkov erjúrek jaýynger V.Larıchevke kúreń kókireksheniń aıryqsha belgisin tabys etti.

Aqtóbede áskerı boryshyn ótep jatqan V.Larıchev – Almaty oblysy Qarasaı aýdany Qaskeleń aýylynyń týmasy. Ol qaqtyǵys kezinde qatar turǵan sarbazdy jaýyp úlgerip, ózi

basynan aýyr jaraqat alyp, jedel járdemmen aýrýhanaǵa jetkizilgen.

Aqtóbedegi 6655-áskerı bóliminiń jeke quramy 5 qańtar kúni oblys ákimdigi ǵımaratyn qorǵaǵan bolatyn.

Qazirgi kezde oblysta jaǵdaı turaqty. Degenmen polıtsııa men Ulttyq ulan jaýyngerleri qala kóshelerinde qoǵamdyq tártipti qamtamasyz etýde. Óńirde komendanttyq ýaqyt (23.00-den tańǵy 07.00-ge deıin) kúshinde.

Eske sala keteıik, budan buryn Oralda Ulttyq ulan sodyrlarmen urysta qaza tapqan bozdaqtardy eske alǵanyn, Atyraýdaǵy qaqtyǵys kezinde jaralanǵan jaýyngerdiń

shepten shyqpaǵanyn jazǵan bolatynbyz.