Aqtóbe oblysynyń ákimi soǵys ardagerleriniń úıinde boldy
Aqtóbe oblysynyń basshysy men qala ákimi Іlııas Ispanov aldymen soǵys ardageri Ivan Kýrochkınniń shańyraǵynda boldy. Ivan Kýrochkın 1927 jyly 11 naýryzda Orynbor oblysynda dúnıege kelgen. 1944 jyldyń qarasha aıynda áskerge shaqyrylyp, maıdan dalasyna attandy. Ol Tynyq muhıt flotynda súńgýir kemede qyzmet etti. « II dárejeli Otan soǵysy» ordenimen, «Japonııany jeńgeni úshin» medalimen marapattalǵan. Qazaqstanda 1961 jyldan beri turady. 1982 jylǵa deıin Ulttyq qaýipsizdik komıtetinde eńbek etti.
Keıin oblys ákimi Ońdasyn Orazalın soǵys ardageri Nusqabaı Abdollanyń otbasyna baryp, soǵys ardagerin Jeńis merekesimen quttyqtady. Ardager 1925 jyly 7 mamyrda Shalqar qalasynda týǵan. Soǵysqa 1943 jyldyń qańtar aıynda shaqyrylǵan. Lenıngrad, birinshi Ýkraına shaıqasyna qatysty. «Qyzyl Juldyz», «І-ІІ dárejeli Otan soǵysy» ordenimen, «Qurmet» gramotasymen marapattalǵan. 1946-1990 jyldar aralyǵynda Shalqar aýdanynda qazaq tili pániniń muǵalimi bolyp jumys istedi. 
«Aımaq basshysy Ekinshi dúnıejúzilik soǵys ardageri Ótesh Jalmaǵambetti de merekemen quttyqtady. Ótesh Tólegenuly 1924 jyly 24 sáýirde Muǵaljar aýdany Embi aýylynda dúnıege kelgen. Kýrsk, Korsýn-Shevchenko shaıqasyna, Ýkraınany azat etýge qatysqan. «Qyzyl juldyz» ordenimen, «Erligi úshin» medalimen marapattalǵan. 2015 jyly «Qurmet» ordeni berildi. 6 ul-qyzdan, 20 nemere, 40 shóbere súıip otyr», - dep habarlady oblys ákiminiń baspasóz qyzmetinen.
Aıta keteıik, ardagerlerge Jeńis kúnine oraı 120 myń teńgeden birjolǵy járdemaqy jáne saýyqtyrýǵa 180 myń teńgeden berildi.
«Keler urpaqtyń beıbit ómir súrýi úshin jan aıamaı soǵystyńyzdar, jas urpaq uly batyrlyqtaryńyzdy máńgi este saqtaıdy. Denderińizge saýlyq, otbasylaryńyzǵa amandyq tileımin», - dedi oblys ákimi O.Orazalın.
