Aqtóbe oblysynyń ákimi qoǵamdyq kómekshilerine kýálik tapsyrdy
AQTÓBE. QazAqparat -Aqtóbe oblysynyń ákimi Ońdasyn Orazalın qoǵamdyq kómekshilerine kýálik tapsyrdy, dep habarlaıdy QazAqparat tilshisi oblys ákiminiń baspasóz qyzmetine silteme jasap.
Búgin oblys ákimi Ońdasyn Orazalın 15 aqtóbelikke qoǵamdyq kómekshi kýáligin tapsyrdy. Ár aýdannan bir ókil bar, al Aqtóbe qalasynda úsh kómekshi.
«Halyq arasyndaǵy qandaı da bir ózekti máselelerdi ózderińizben aqyldasyp sheshemiz dep úmittemin. Óńirdiń áleýmettik jaıyn damytýda tize qosa jumys jasaımyz dep senemin. Ózderińizben aqyldasyp, pikir almasýǵa qashanda daıynmyn», - dedi oblys ákimi Ońdasyn Orazalın.
Qoǵamdyq kómekshiler elimizdegi ıgi isterdi, saıasatty halyqqa túsindirip, ákimderdiń turǵyndarmen baılanysyn nyǵaıtý syndy jumystarmen aınalysady. Oblys ákiminiń qoǵamdyq kómekshisi bolyp bekitilgen ókilder buryn jergilikti ákimdikterde qyzmet etken óńirge tanymal azamattar.
