Aqtóbe oblysynyń ákimi áleýmettik nysandar qurylysymen tanysty
Oblysta barlyǵy 38 bilim men tárbıe berý ordasyn jóndeýge 4,6 mlrd teńgege jýyq qarjy bólindi. Aqtóbe qalasynda toǵyz mektep jańartylyp jatsa, onyń ishinde eldegi úzdik júz mekteptiń qataryna engen № 11 mektep-gımnazııa da bar. Onyń qasbeti jańartylyp, esik-terezeleri aýystyryldy, sport zaly jóndeldi. Oblys ákimi bilim basqarmasynyń basshysy Joldas Batyrhanǵa óńirdegi barlyq mekteptiń jóndeý jumystaryn únemi baqylaýda ustaýdy tapsyrdy.
«Oblysta balalar zamanaýı talaptarǵa saı keletin ǵımarattarda, kabınetterde oqýy úshin mektepterge kúrdeli jóndeý jumystary júrgizilip jatyr. Buǵan qosa jańa mektepterdiń qurylysyn baqylaýda ustaý kerek. Bıyl Eset batyr turǵyn úı alabyndaǵy mektep paıdalanýǵa berilip, Batys-2 shaǵyn aýdanyndaǵy mekteptiń qurylysy bastalady»,- dep eske saldy Ońdasyn Orazalın.
Aıta keteıik, úsh jyldyń ishinde oblysta júzden asa mektep, balabaqsha men qosymsha bilim berý mekemesine kúrdeli jóndeý jasaý josparlanyp otyr.
Oblys ortalyǵynda kóshedegi jol jelisi men kópqabatty úılerdiń aýlalaryn jóndeý jumystary jalǵasyp jatyr. Oblys ákimi 2,3 shaqyrym bolatyn «Bolashaq» turǵyn úı alabyndaǵy joldyń ortasha jóndeý, sonymen qatar, Eset batyr kóshesindegi 93 úıdiń aýlasyn abattandyrý jumystarynyń barysyn qarap shyqty. Merdiger mekeme basshysy Súleımen Ahmetbekov jol jóndeý jumystary qyrkúıek aıynyń ortasynda aıaqtalatynyna sendirdi, aýlalardyń jóndeý jumystary da jospar boıynsha júrip jatyr.
Budan bólek oblys ákimi №8 oblystyq balalar jáne jasóspirimder sport mektebiniń jóndeý jumysymen tanysty. Fýtbol oınaıtyn shaǵyn aýmaqty aýystyrý, qasbetin qaptaý, kireberis joldardy jóndeý, júgiretin joldardy jańartý jáne t.b. qarastyrylǵan.
«Biz balalar men jasóspirimderdiń sportpen alańsyz shuǵyldanýy úshin birqatar sport nysandaryn salyp jatyrmyz. ıAǵnı, kez kelgen adam úıinen shyǵyp, jaıaý baratyn múmkindik jasaımyz. Al №8 oblystyq balalar jáne jasóspirimder sport mektebi qaıta jańǵyrtylsa, ony fýtbol federatsııasynyń talaptaryna sáıkestendirýge múmkindik bar. Osylaısha Qobylandy batyr stadıonyn qaıta jóndeý kezinde «Aqtóbe» fýtbol klýby óz alańyndaǵy matchtaryn osynda ótkize alady. Stadıonǵa 50 jyl boldy, onyń ábden tozyǵy jetken. Qalpyna keltirýge kem degende bir jyl kerek», - dedi oblys ákimi.
Keıin Ońdasyn Orazalın «Keleshek» dene shynyqtyrý-saýyqtyrý kesheninde boldy. Nysan «Bıznestiń jol kartasy-2025» baǵdarlamasy boıynsha nesıeniń paıyzdyq mólsherlemesin sýbsıdııalaý túrinde memleket qoldaýymen jeke ınvestıtsııa esebinen salynǵan. Onyń ereksheligi – edeninde. ıAǵnı bul ulttyq basketbol qaýymdastyǵynyń standarttaryna sáıkes keletin jaraqat alýdan saqtaıtyn materıal. Osyndaı jabyndysy bar zal elimizde úsheý ǵana, olardyń bireýi Aqtóbede, ekeýi Almatyda.
