Aqtóbe oblysynyń 10 aýylynda eki jyldyń ishinde bir de bir qylmys tirkelmegen
«Aýylda adam turý úshin ınternet kerek. Internet bolmasa qazir jastar aýylda turmaıdy. Aýylda adamdar turý úshin bilimmen qamtamasyz etýimiz kerek. Qazir árbir ata-ana balasynyń bolashaǵyn oılaıdy. Sonyń qamymen qalaǵa, basqa jerge kóship ketýi múmkin. Aýylda densaýlyq saqtaý salasynyń deńgeıin kóterýimiz kerek. Abattandyrý máselesin de - joly bar, jaryǵy bar degendeı», - dedi ákim.
Eraly Toǵjanovtyń aıtýynsha, óńirde «Qaýipsiz aýyl» atty joba qolǵa alynǵan.
«Araq ishpeý, temeki shekpeý sııaqty máseleler nasıhattalyp jatyr. Bizde qazir qylmys jasalmaıtyn 10 aýyl bar. Eki jyldyń ishinde múlde qylmys bolmaǵan. Qylmys jasalmaǵan jerde «Qaýipsiz aýyl» bolatyny belgili. Sondyqtan jyl aıaǵyna deıin 60 aýyldy osy jobaǵa qatystyrýdy josparlap otyrmyz. Endi, qolymyzdan kelgenshe kóremiz», - dedi aımaq basshysy.
