Aqtóbe oblysyndaǵy joldar ashyldy
AQTÓBE OBLYSY. QazAqparat – Búgin saǵat 08:00-den bastap, «Samara-Shymkent» tasjolynyń boıynda avtokólik qozǵalysyna qoıylǵan shekteý alynyp tastaldy, dep habarlaıdy QazAqparat Tótenshe jaǵdaılar departamentine silteme jasap.
«Qazavtojol» JShS málimetterine sáıkes, tańǵy saǵat 08:00-den bastap, aýa raıynyń ońala bastaýyna baılanysty respýblıkalyq mańyzdaǵy «Samara-Shymkent» avtojolynyń boıynda barlyq kólik túrleri úshin engizilgen shekteý alyndy. Shekteý Hromtaý qalasynan Yrǵyz aýylyna deıingi aralyqtaǵy 843 km-nen 1153 km aýmaqqa engizilgen bolatyn»,-dep habarlady TJD baspasóz qyzmetiniń mamany Sabına Serikova.
