Aqtóbe oblysyndaǵy jol apaty: tórt muǵalim kóz jumdy, ekeýi jansaqtaý bóliminde jatyr
QazAqparat budan buryn jazǵanyndaı, Samara-Shymkent avtojoly boıynda «Lada Largýs» avtokóligi «DAF» júk kóligimen soqtyǵysqan bolatyn.
BQO bilim basqarmasy baspasóz qyzmetiniń naqtylaýynsha, oqıǵa ornynda jeńil kólikte otyrǵan Oral qalasyndaǵy №47 mekteptiń pedagog-defektology, Báıterek aýdany Novenkıı mektebiniń defektology jáne Kaztalov aýdany K.Meńdálıev atyndaǵy mekteptiń logopedi qaıtys boldy.
Oǵan qosa Oral qalasy psıhologııalyq-pedagogıkalyq túzeý kabınetiniń sýrdopedagogy aýrýhanada dúnıeden ótti.
«Sonymen qatar Oral qalasyndaǵy №5 orta mektepte logoped bolyp jumys isteıtin 27 jastaǵy qyz jáne Báıterek aýdany Úlken Shaǵan mektep-bóbekjaı-balabaqshasynyń pedagog-defektology, 46 jastaǵy áıel jansaqtaý bóliminde jatyr. Qaza bolǵan jáne jol apatynan zardap shekken pedagogterdiń otbasylaryna qalalyq, aýdandyq bilim berý bólimderi, mektepter jáne kásipodaq tarapynan kómek kórsetilýde» dep habarlady vedomstvodan.
Eske sala keteıik, budan buryn Aqtóbede 4 adam kóz jumǵan jol apatyna ushyraǵan jeńil kólikte dıplom alýǵa bara jatqan oraldyq muǵalimder bolǵanyn jazǵan edik.
