Aqtóbe oblysyndaǵy sý tasqyny jaǵdaıy qalypty - ákimdik
ASTANA. QazAqparat - Búgin Aqtóbe oblysynyń əkimi Berdibek Saparbaev jumys saparymen aýmaqty aralap, Aqtóbe jəne Qarǵaly sý qoımasyn qarap shyqty, Qarǵaly jəne Elek ózenderiniń jaǵdaıymen, qar qorymen tanysty, dep habarlaıdy Aqtóbe oblysy ákimdiginiń baspasóz qyzmeti.
Ushý saparynyń qorytyndysy boıynsha tótenshe jaǵdaılar jəne qutqarý kezinde jaýapty memlekettik mekemelerdiń jəne Qazsýshar, Qazgıdromet RMK basshylary qatysqan kezekten tys komıssııa otyrysy ótkizildi.
«Ushý sapary kórsetkendeı búgingi kúnge tasqyn jaǵdaıy qalypty, qar qory da azdaý. Buǵan qaramastan bizge bir sətke de bosańsýǵa jəne jumys deńgeıin tómendetýge bolmaıdy. Munymen qosa aýyl sharýashylyǵyna qajetti sý qoryn jınaqtaýdy da umytpaý qajet. Jalpy alǵanda tasqynǵa qarsy jumys sharalaryn júrgizý kúndelikti baqylaýda» - dedi óńir basshysy.
TJD bastyǵy B.Syzdyqovtyń məlimetinshe, búgingi kúni Aqtóbe qalasy men oblystyń barlyq aýdandarynda tasqynǵa qarsy 13 shtab jumys isteıdi. 7 səýir kúni boıynsha 958 qońyraý túsip, 177 myń sharshy metr sý sorylyp, 1300 tekshe ınertti materıaldar men 420 qaptar əkelindi.
Alǵa aýdanynda joldan asyp ketken sý jaǵdaıyna kezekshilik taǵaıyndalyp, ınjenerlik tehnıka qoıyldy. Jumysqa 1400 adam, 922 birlik tehnıka, 52 motopompa tartyldy.
Eldi mekennen 300 myń tekshe metr qar shyǵaryldy. Tez arada əreket etý daıyndyǵyna 181 azamattyq qorǵanys qyzmeti jumyldyryldy.
«Qazsýshar» RMK oblystyq fılıaly basshysy B.Nametovtyń məlimetinshe, búgingi kúni Aqtóbe sý qoımasynda sý kólemi 180 mln tekshe metr nemese 74 protsentti (245 mln), Qarǵalyda - 106 mln tekshe metr nemese 38 protsent (280 mln), Sazdy sý qoımasy 7,5 mln tekshe metr sýǵa toldy.
