Aqtóbe oblysyndaǵy shekaralas kentter joıylyp ketýi múmkin
ASTANA. QazAqparat - Qazaqstanda alǵash ret tutas óńir aýmaǵynyń damý shemasy jasaldy. Bul biregeı karta Aqtóbe oblysy úshin arnaıy daıyndaldy jáne ol 2050 jylǵa deıingi boljamdar men mindetterdi qamtıdy. Qujatty úkimet bekitken joq. Alaıda qala qurylysy keńesine usynyldy, dep habarlady timeskz.kz.
Keste neni qaı jerde salý kerek, Aqtóbe aglomeratsııasyn qalaı salý kerek jáne oǵan ne kedergi bolyp otyr, degen máselelerdi kórsetedi.
«Óńir damyp kele jatyr, alaıda áleýmettik prolemalar bar»,- dedi kesteni tanystyrýshy Qazaqstan Qala qurylysy odaǵynyń prezıdenti Lıýbov Nysanbaeva.
«Olardyń biri aýyldaǵy halyq sanynyń azaıýynyń aldyn alý. Aqtóbe oblysynyń aýmaǵynda belsendi túrde qalalaný úrdisi júrip jatyr. Eger bul úrdis osy qalpymen jalǵasa beretin bolsa shekaralas aımaqtar bos qalady. Oblys Reseımen, Ózbekstanmen shekaralasqan. Sondyqtan bul jerdegi problema - aýmaq halqyn qalpyna keltirip, damytýda»,-dep qosty ol.
Nysanbaevanyń aıtýynsha, 2040 jyly da oblysta kelýshilerge qaraǵanda, ketýshilerdiń sany basym bolady.
Bul sóz óńir basshysyn tańqaldyrdy.
«Oblysta bala týý kórsetkishi artyp kele jatyr, mundaı jaǵdaıda turǵyndar basqa jaqqa qalaı kóshpek?», - dep tańqaldy B. Saparbaev.
«Kóshi-qonnyń teris saldosy qaıdan keldi? Oń kóshi-qon jaıly másele qoıýymyz kerek. Sonda ǵana ekonomıka men adamdardyń ál-aýqatynyń damýy týraly aıta alamyz»,- dedi ákim.
