Aqtóbe oblysyndaǵy mektepterge dırektor tabylmaı jatyr
AQTÓBE. QazAqparat -Aqtóbe oblysy boıynsha 70-ke jýyq mektepke birneshe jyldan beri dırektor taǵaıyndalmady, dep habarlaıdy QazAqparat tilshisi.
Aqtóbe oblysynyń bilim basqarmasy 2018 jylǵy jumysyn qorytyndylap, óńirde atqarylyp jatqan isterge toqtaldy. Qazir óńirde 300-den astam mektep bolsa, 82 mektep pen balabaqsha dırektorsyz otyr.
«Mektep dırektorlarynyń kásibı deńgeıin kóterý maqsatynda taǵaıyndaý tártibine ózgerister engizdi. Mektep menedjerleriniń kásibı biliktiligin arttyrý bilim salasynyń trendine aınalyp otyr. ıAǵnı, mektepti naǵyz menedjer basqarýy kerek. Jańa erejege sáıkes dırektor bolýǵa úmiti bar adamdar tórt kezeńdik konkýrstan ótedi. 2018 jyldyń qazan aıynda bastalyp, 210 úmitker testke qatysty. Tek 43,3 paıyzy ǵana ózderiniń bilimin dáleldeı aldy. Barlyǵy 377 dırektor bar. Oblys boıynsha 82 bilim berý mekemesinde mektep dırektory, balabaqsha meńgerýshisiniń orny bos tur», - dedi Aqtóbe oblystyq bilim basqarmasynyń basshysy Lázzat Orazbaeva.
Aqtóbe oblystyq bilim salasyn baqylaý departamentiniń basshysy Bulbul Kúzembaevanyń aıtýynsha, óńirde 2016 jyldan beri dırektory taǵaıyndalmaǵan mektepter bar. Aýdandyq bilim bóliminiń basshylary «adam joq» dep qysqa qaıyryp otyr.
Máselen, Áıteke bı aýdanynda barlyǵy 30 mektep bolsa, onyń 10-da dırektor taǵaıyndalmaǵan.
«Oıyl aýdany, Qarasý negizgi mektebinde 2016 jyldan, Áıteke bı aýdany, Sulýkól mektebinde 2017 jyldan, M.Aryn atyndaǵy Aqtóbe qalalyq mektebinde 2017jyldan beri dırektor taǵaıyndalmaǵan. Aýdandarda 5-10 mektep dırektorsyz jumys istep tur. Bárin tekserip, qaraý kerek. Tanys-tamyrǵa basymdyq berip otyrǵan sekildi. Áıtpese, bir aýdanda mektepke dırektory bolatyn adam tabylmaýy múmkin emes»,- dedi oblys ákimi Berdibek Saparbaev.
